هو هذا العراقي بقلم : دنيا العبادي

هو هذا العراقي ابو الغيرة

شوصفك وانت كل الصفات
البيك مزيونة
أملح ومهيوب وعينة وسيعة
وچفة يلاوي الكون ومحد يصرعة
يمشي مثل السبع وراسة مرفوع
الهامة
لابس الصاية والزبون وية لفة
الچراوية
من راس الطرف تفوح ريحتة
ويمسي علة الجيران ويتفكد
الصغير والچبير الي بدربونة
بيك غيرة تهز جبال ياخو خيتة
ومن خلةلشماغ علة چتفة
اويلي تكول شقي هذه لريدة
مايفوتة فرح لو حزن
ايشيلة بيدة
ومن تصعد الغيرة كل لسباع
ماتوكف بطريجة
ومن ينخا الوطن يفدي
بروحة ودمة
ومن يطلع يكد الفجرية
وميخلي بيتة بدون خرجية
ومن يگعد بالگهوة من رنة لطاولي ولدومنة يخافونة
ويلعب البات برمضان وبالفوز
زلابية يحلونة
ها لاتگعد يمة من يلعب المنتخب يوصل لسابع
جار صياحة عراقي تعرفونة
ومن يقرة المقام بصوتة يطربنة
قلبة طيب وحنين والشيمة
من طباعة
ومن يحب من كل گلبة
ويوفي لحبيبتة الخاتونة
هو هذة العراقي ابو الغيرة .

اللوحةللفنانةShahd Ahmed
✍🏽بقلمي
#دنيا_العبادي